de su entu tra elvas e piantas
ei custas antigas boghes santas
m’ischin de medas cosas faeddare.
Duru de coro ses, si non t’incantas
custu mutu solenne a iscultare;
b’est sa oghe ’e sa terra e de su mare
cun tottu cuddas rimas chi non cantas.
E tue sempre cun dogn’istagione
passas eterna, o bogh’e sa natura,
pro narrer a sa nostra breve vida
Chi nois semus chei su puzzone
chi cantat a manzanu in cudd’altura
e a su sero sa festa est finida.
Nessun commento:
Posta un commento